Gjendet në rrjet: Spirografi online

18.03.15 13:15


Faqja më e re në rubrikën tonë “gjendet në rrjet“ iu dedikohet atyre që dëshirojnë ta kultivojnë dellin e vet kreativ.
Ne e kemi gjetur për ju spirografin e parë digjital plotësisht funksional. Shkoni në adresën http://nathanfriend.io/inspirograph dhe binduni vet për këtë. Për ata mes jush, të cilët janë pak në mëdyshje tani, ja ku është një shpjegim i vogël se për çfarë bëhet fjalë: 

Spirografi? – Çfarë është ai?

Spirografi ishte një vegël kreative për vizatim që përbëhej prej shumë rrotave dhëmbëzore nga plastika. Ato vendoseshin mbi një letër, dhe pastaj viheshin në punë lapsat, ngjyrat apo mjete të ngjashme për vizatim me maja të holla. Rrota e parë kishte një unazë dhëmbëzore të brendshme kurse e dyta unazë të jashtme, dhe këto dyja duhej të ndërlidheshin. Pastaj lapsi futej në njërën prej vrimave në rrota dhe gjithçka ishte gati.  Me lëvizje të ngadalshme në forma rrethore, në letër krijohen figura gjeometrike, të ashtuquajturat cikloide (figura me formë rrethore).

 

Një shpikje për fëmijë si  dëmshpërblim

Shpikësi i spirografit ishte Denys Fisher, i cili në vitin 1962 e prezantoi lodrën para opinionit botëror. Fisher nuk ka qenë gjithmonë prodhues lojërash. Para se të niste këtë veprimtari, firma e tij prodhonte ndezëse granatash, për të cilën gjë ai në jetën e tij të mëvonshme gjithnjë ishte penduar:  „Pesë milionë spirografë ndoshta mund të bëjnë të harrohet, që unë më parë kam prodhuar pesë milionë ndezëse për granata” kishte thënë shpikësi në një intervistë në vitin 1967.  

 

Një lodër 130 vjet e vjetër  

Por Fisher nuk ishte shpikësi i parë i spirografit. Ishte matematikani polak Bruno Abakanowicz ai, i cili në vitin 1885 fillimisht kishte projektuar vizatuesin spiral, nga i cili kishte gjetur burimin lodra për fëmijë e Fisher.

Njeriu prapa lodrës digjitale

Në faqen http://nathanfriend.io/inspirograph tani ju mund t’i vizatoni rrathët tuaj dhe të krijoni figura gjeometrike me bukuri mbresëlënëse pa përdorur fare letër dhe rrota dhëmbëzore të plastikës. Nathan Friend, programuesi i cili qëndron prapa ueb-faqes së inspirografit, përveç profesionit të tij si programues është edhe një violonçelist i respektuar.

Inspirografi është vetëm vepra e tij më e re. Nathan Friend përveç veglës së tij digjitale për vizatime ka projektuar dhe programuar edhe programe online për Chat, për të bërë muzikë apo edhe për të luajtur me letra bixhozi. Të gjitha këto programe mund t’i gjeni në faqen e tij të Internetit http://nathanfriend.io.

 

Çfarë ofron inspirografi?

Vet programi është shumë komod për ta komanduar përmes ueb-shfletuesit. Pra nuk ka nevojë për ndonjë shkarkim apo instalim të bezdisshëm. Spirografi përbëhet prej 21 rrotave dhëmbëzore statike dhe 17 rrotave dhëmbëzore të lëvizshme të madhësive të ndryshme. Ngjyrat mund të përzgjidhen nga paleta e posaçme e ngjyrave. Rrota dhëmbëzore më e vogël i ka pesë vrima, në të cilat ju mund t’i ngulni “lapsat” tuaj, ndërsa më e madhja i ka 35. Vizatimet që i bëni mundeni ose t’i shkarkoni, ose t’i ndani me piktorët e tjerë në galerinë online. Si pikë kulminante e veçantë projektuesi aktualisht është duke programuar një version mobil për telefonat e mençur (Smartphone), kështu që së shpejti ju do të keni mundësinë të pikturoni edhe kur të jeni rrugës.

Kushdo që ndjehet i gatshëm të kalojë në veprim, mund ta kultivoj dellin e vet krijues në http://nathanfriend.io/inspirograph.




Lajmet e Fundit

  1. “HARDH FEST - 2018”

        “Me pamje kah vneshtat” ishte motoja e festivalit tashmë tradicional “Hardh Fest” në Rahovec. Drejtor artistik i këtij festivali, z.Gardalin Shtavica, theksoi se edicioni i sivjetmë u mbajt nga 7 deri më 9 shtator. Gjatë këtij edicioni të “Hardh Fest” janë mbajtur aktivitete të shumta duke filluar me hapjen zyrtare të vjeljes së rrushit për të vazhduar me shpalljen e verëtarit më të mirë, ekspozitën “Hardh Expo” të organizuar nga Nahit Veseli, garat në vjeljen dhe shtrydhjen e rrushit për 3 ditë rresht. Ky edicion pati edhe disa risi si: “Hardh Kids” gjegjësisht aktivitetet për fëmijë, “Hardh Treni” ose udhëtimi me tren nga qyteti deri në Konak, “Hardh Bike” ose vizitat e vreshtave me biçikleta. Më pas u organizua edhe një paradë e mekanizmave bujqësore, nga më të vjetrat e deri te ato më të rejat, nga qendra e qytetit deri ne konak. Në ditën e tretë të festivalit u mbajt ora poetike te muzeu i qytetit dhe në konak u shpall mbretëresha e rrushit.

  2. KOLONIA ARTISTIKE E ARTISTEVE TE RINJ NE FERIZAJ

         Në Galerinë e Arteve në Ferizaj është hapur ekspozita e pikturave “Koloni e Artit”, si rezultat i punimeve të përfunduara në kuadër të "Javës së KFOR-it". Artistët e rinj nga të gjitha komunitetet në Kosovë, në korrik të këtij viti kanë pasur mundësinë që të shoqërohen dhe të komunikojnë përmes gjuhës universale, gjuhës së artit, dhe si rezultat i kësaj shoqërie ata ekspozuan punimet që i mbaruan përgjatë kësaj kolonie.

  3. DITA E BARAZISE SE FEMRAVE NE BONDSTEEL

    Të shtunen më 25.08.2018 në bazën amerikane Bondsteel u organizua Dita e Barazisë së Femrave. Me këtë rast përmes tregimeve personale të katër panelisteve u theksua rëndësia e barazisë gjinore.

  4. COURTOIS ‘NE GREVE’ NUK PARAQITET PER STERVITJE

    Kur kanë mbetur vetëm edhe dy ditë deri në mbylljen e afatit kalimtar në Ligën Angleze ekipi i Çelsit (Chelsea) është duke u përballur me një krizë të vogël. Kjo sepse, siç raportojnë mediat angleze, pa dhënë asnjë shpjegim dhe pa marrë leje portieri i tyre, Thibaut Courtois, nuk u paraqit për stërvitje.

  5. PER FAT TE KEQ, JO AJO POR ATA SHKUAN NE SHTEPI!

    Për herën e tretë me radhë Kroacia arriti që ta përmbys rezultatin dhe të dalë fituese në këtë botëror. Pas Danimarkës dhe Rusisë kësaj here radhën e pati kombëtarja e Anglisë e cila para se të fillonte ndeshja ishte favorite për shumicën e ekspertëve dhe tifozëve të futbollit.

Me Shume