Nga erdhën Microsoft-i dhe Windows-i?

02.03.15 14:37


Pothuajse çdokush e përdor apo e ka përdorur së paku një herë. Fjala është për dritaret. Por, jo për të ato që vendosen në muret e shtëpive për ajrim dhe për të parë jashtë. Fjala është për ato, të cilat janë pjesë e historisë së suksesit të jashtëzakonshëm të një ndërmarrjeje të themeluar para 40 vitesh. Me siguri asnjëri prej themeluesve para katër dekadave nuk ka pritur, që ndërmarrja e vogël e programeve (softuereve) nga Albuquerque (Albukërki) SHBA, një ditë do të bëhej udhëheqëse e tregut global për Sistemet Operative dhe aplikacionet softuerike.

 

Hapat e parë dhe depërtimi

Kur Bill Gates dhe Paul Allen më 1975 i shitën programet e tyre të parë, historia e tyre e suksesit ende nuk mund të merrej me mend. Fillimi, në kuadër të një fushate promovuese të një ndërmarrje të quajtur Micro-Soft, së pari u shënua përmes krijimit të programeve të vogla me përfitim modest. Në muajin e parë të dy themeluesit ndanë një fitim prej 1516 dollarësh. Në vitet e para Microsoft-i arriti që të rritej shpejt, para së gjithash përmes blerjeve të mençura të licencave.  

Depërtimi i madh erdhi me shitjen e Sistemit Operativ të njohur me emrin MS DOS tek prodhuesi i Harduerit IBM. Në vitin 1981 IBM nxori në treg kompjuterin e saj personal që kushtonte 3000 dollarë i cili ishte pajisur me MS-DOS. Sistemi operativ MS-DOS që përshkruhej si „i shpejt dhe i ndotur“ fillimisht mbeti mbrapa të arriturave në teknike dhe në shumë dosje të specializuara u kritikua tejmase.

 

Zgjerimi dhe transformimi në liderin e tregut

Ngritja e kompanisë në nivelin e një perandorie të softuereve filloi me zhvillimin e familjes më të njohur të produkteve nga Microsoft. Futja e sistemeve të para operative Windows, veçanërisht të Windows 3,1 ia mundësoi përdoruesit jo vetëm një sipërfaqe punuese miqësore, por edhe tërheqëse në shikim. Me klaimin e viteve, seria e Windows-it u zhvillua si sistem operativ standard i shumicës së përdoruesve të PC-ve  dhe gjithkush e njeh "dritaren" si një mjedis pune.

Sidoqoftë, vitet në vijim, posaçërisht fundi i viteve '90, u shënuan me procese gjyqësore dhe konkurrencë të ashpër për Microsoft-in. Në veçanti, e ashtuquajtura "lufta e shfletueseve" ishte një provë për Microsoft. Microsoft-i u përpoq që përmes lidhjes së produkteve dhe përfundimit të marrëveshjeve në fuqi, shfletuesin e vetë, Internet Explorer-in, ta lejojë si shfletues të vetëm në të gjithë kompjuterët e bazuar në Windows. Me këtë synohej të bëhej presion posaçërisht ndaj kompanive AOL dhe Compaq.

 

Microsoft-i sot

Krahas sistemeve operative Microsoft-i e zgjeroi ndër vite edhe gamën e tyre të produkteve. X-Box-i, Windows-Media-Player-i apo Microsoft Office janë disa shembuj. Ndërmarrja, që u themelua para 40 vitesh me një fitim të pastër prej më pak se 2000$ në muaj, arrin sot një fitim prej 22 Miliardë Dollar, në shkallë globale i ka më shumë se 120.000 të punësuar dhe furnizon tërë botën me prodhimet e saj pothuajse në të gjitha gjuhët. Ajo që Bill Gates dhe Paul Allen, dy prej njerëzve më të pasur të botës sot, themeluan asokohe në një vend në New Mexico, u bë një histori e vërtetë suksesi.




Lajmet e Fundit

  1. DRAMA SPANJOLLE 48 ORE PARA FILLIMIT TE BOTERORIT NE RUSI

    Vetëm pak më shumë se 24 orë para fillimit të Kampionatit Botëror në Rusi dhe dy ditë para ndeshjes vendimtare me Portugalinë, ekipi kombëtar i Spanjës është përfshirë në një krizë të papritur që i ngjan më shumë një seriali televiziv spanjoll se sa një prej favoritëve kryesor të botërorit të sivjetmë.

  2. XHERDAN SHAQIRI NE LIVERPUL?

    Sipas mediave angleze finalisti i sivjetmë i Ligës së Kampionëve Liverpuli është duke bërë përpjekje që të transferojë nga skuadra e Stoke City Xherdan Shaqirin. Mirëpo, kjo pritet që të ndodh pas përfundimit të Kupës së Botës.

  3. “FOLGORE NO LIMITS” PER HERE TE PARE NE KOSOVE

    Më 1 qershor 2018, në Ditën Ndërkombëtare të Fëmijëve në Kampin e KFOR-it “Villagio Italia” në qytetin piktoresk të Pejës, Grupi Luftarak Shumëkombësh Perëndim (MNBG-W) e mbajti Edicionin Ndërkombëtar të “Folgore No Limits” (Folgore Pa Kufij).

  4. MOMENTE NGA FESTA E PERVJETORIT TE 15-te TE REVISTES “FOR YOU”

    Redaksia e revistës “For You” i falënderon përzemërsisht të gjithë bashkëpunëtorët tanë që morën pjesë në ditëlindjen e revistës sonë. Njëherit, të gjithëve ju urojmë shëndet dhe punë të mbarë në të ardhmen me porosinë se të gjithë ju mund të llogaritni në bashkëpunimin tonë. Ne ju ftojmë që ta shikoni foto albumin tonë nga kjo ngjarje dhe që t’i shkarkoni fotot e juaja.

  5. ASTEROID 45687 Pranverahyseni = 200 EK 140

        Shpesh në bisedat tona private ne e kemi dëgjuar e mbase edhe kemi përmendur argumentin se e kemi të vështirë që të realizojmë diçka sepse mungojnë kushtet. Zonjusha Pranvera Hyseni, është një studente e re nga Vushtrria, e cila është shembull tipik pse ky argument nuk është aspak i qëndrueshëm. Znjsh. Hyseni studion për gjeografi në Universitetin e Prishtinës. Arsyeja pse ajo e ka zgjedhur këtë degë ndërlidhet me pasionin e saj të vërtetë: Astronominë.

Me Shume