Organizatat dhe Institucionet e Europës – ESA

06.02.15 14:34


Kozmosi, kufiri i fundit. Që nga viti 1975 Agjencia Europiane e Hapësirës (ESA) e ka hulumtuar kozmosin. Selia e saj kryesore gjendet në kryeqytetin francez, Paris. ESA u themelua, për të koordinuar përpjekjet e vendeve anëtare të BE-së në hulumtimin e hapësirës. Në kohën e themelimit të saj, qëllimi ishte që ESA të mundësonte barazimin gradual me projektet hapësinore të SHBA-ve dhe Rusisë. Sot ESA përfshin 20 shtete anëtare, e ndër to janë edhe Gjermania, Franca, Rumania dhe Republika Çeke. 

Përveç selisë qendrore në Paris, ESA ka edhe shumë lokacione të tjera në Evropë dhe një port hapësinor në Kourou, në Guajanën franceze, Amerikë e Jugut, prej ku edhe nisen raketat.

 

Hulumtimi paqësor dhe eksplorimi

Detyra kryesore e ESA është eksplorimi paqësor i hapësirës. Për këtë qëllim ajo i ka dy "degë". Njëra është përgjegjëse për ndërtimin e satelitëve të ESA, të cilët shfrytëzohen për të hulumtuar gjithësinë. Tjetra zhvillon raketat – të quajtura edhe sistemet bartëse - me të cilët satelitët dërgohen në hapësirë.

Sistemi bartës më i mirë i njohur është ARIANE 5.

Me një gjatësi prej 59 metra dhe peshë prej rreth 775 ton, ARIANE 5 është një nga raketat më të rëndësishme.

Udhëtimi drejt një komete

Para pak kohësh ESA shënoi edhe një sukses tjetër pasi për herë të parë në historinë e udhëtimeve në hapësirë arriti të realizonte uljen në një kometë. Sonda e hapësirës Rosetta (emëruar sipas qytetit egjiptian Rosetta), pas një udhëtimi dhjetë-vjeçar, e zbarkoi sondën Philae në kometën Churyumov-Gerasimenko. Ulja e sondës në kometë u realizua më 12 nëntor 2014. Përkundër se manovrimi i uljes nuk ishte aq i suksesshëm siç ishte planifikuar, Philae mbeti e paprekur dhe për dy ditë, shtatë orë dhe 57 minuta vazhdoi të transmetonte sinjale, përpara se të kalonte në një lloj gjendjeje të gjumit dimëror.

Për të gjithë ju që dëshironi të mësoni më shumë për ESA dhe misionet e saj, ju rekomandojmë që të vizitoni faqen e internetit www.esa.int/esaKIDSen. Në këtë faqe, të dizajnuar posaçërisht për të rinjtë, ju mund të mësoni gjithçka rreth eksplorimit të hapësirës.




Lajmet e Fundit

  1. “HARDH FEST - 2018”

        “Me pamje kah vneshtat” ishte motoja e festivalit tashmë tradicional “Hardh Fest” në Rahovec. Drejtor artistik i këtij festivali, z.Gardalin Shtavica, theksoi se edicioni i sivjetmë u mbajt nga 7 deri më 9 shtator. Gjatë këtij edicioni të “Hardh Fest” janë mbajtur aktivitete të shumta duke filluar me hapjen zyrtare të vjeljes së rrushit për të vazhduar me shpalljen e verëtarit më të mirë, ekspozitën “Hardh Expo” të organizuar nga Nahit Veseli, garat në vjeljen dhe shtrydhjen e rrushit për 3 ditë rresht. Ky edicion pati edhe disa risi si: “Hardh Kids” gjegjësisht aktivitetet për fëmijë, “Hardh Treni” ose udhëtimi me tren nga qyteti deri në Konak, “Hardh Bike” ose vizitat e vreshtave me biçikleta. Më pas u organizua edhe një paradë e mekanizmave bujqësore, nga më të vjetrat e deri te ato më të rejat, nga qendra e qytetit deri ne konak. Në ditën e tretë të festivalit u mbajt ora poetike te muzeu i qytetit dhe në konak u shpall mbretëresha e rrushit.

  2. KOLONIA ARTISTIKE E ARTISTEVE TE RINJ NE FERIZAJ

         Në Galerinë e Arteve në Ferizaj është hapur ekspozita e pikturave “Koloni e Artit”, si rezultat i punimeve të përfunduara në kuadër të "Javës së KFOR-it". Artistët e rinj nga të gjitha komunitetet në Kosovë, në korrik të këtij viti kanë pasur mundësinë që të shoqërohen dhe të komunikojnë përmes gjuhës universale, gjuhës së artit, dhe si rezultat i kësaj shoqërie ata ekspozuan punimet që i mbaruan përgjatë kësaj kolonie.

  3. DITA E BARAZISE SE FEMRAVE NE BONDSTEEL

    Të shtunen më 25.08.2018 në bazën amerikane Bondsteel u organizua Dita e Barazisë së Femrave. Me këtë rast përmes tregimeve personale të katër panelisteve u theksua rëndësia e barazisë gjinore.

  4. COURTOIS ‘NE GREVE’ NUK PARAQITET PER STERVITJE

    Kur kanë mbetur vetëm edhe dy ditë deri në mbylljen e afatit kalimtar në Ligën Angleze ekipi i Çelsit (Chelsea) është duke u përballur me një krizë të vogël. Kjo sepse, siç raportojnë mediat angleze, pa dhënë asnjë shpjegim dhe pa marrë leje portieri i tyre, Thibaut Courtois, nuk u paraqit për stërvitje.

  5. PER FAT TE KEQ, JO AJO POR ATA SHKUAN NE SHTEPI!

    Për herën e tretë me radhë Kroacia arriti që ta përmbys rezultatin dhe të dalë fituese në këtë botëror. Pas Danimarkës dhe Rusisë kësaj here radhën e pati kombëtarja e Anglisë e cila para se të fillonte ndeshja ishte favorite për shumicën e ekspertëve dhe tifozëve të futbollit.

Me Shume