Para 200 vitesh, ishte tepër herët

06.02.15 14:26


Në mbrëmjen e 18. qershorit 1815, ylli ushtarak dhe politik i një prej personaliteteve më të rëndësishme të asaj kohe ra po aq shpejt, sa edhe ishte ngritur dikur në qiellin e politikës Evropiane. Me mposhtjen e armatës franceze 15 kilometra në jug të Brukselit, në afërsi të qytezës Waterloo, përfundoi përgjithmonë sundimi i Napoleon Bonapartës mbi Francën dhe gjithë kontinentin evropian.

Ajo çfarë mbeti, ishin megjithatë idetë dhe parimet e një koncepti të ri ligjor, të cilat ai i kishte sjellë me vete. Kështu, nën sundimin e tij qenë kufizuar fort privilegjet e aristokracisë dhe ishte krijuar siguri juridike për qytetarët. Administrata dhe demokracia kishin hyrë në rend të ditës. Napoleoni në vitet e fundit në mënyrë të konsiderueshme kishte ndryshuar rendin politik dhe juridik gati gjithkund.

Idetë i mbijetojnë kohës

Si do të duhej të dukej e ardhmja e kontinentit pas mposhtjes së Napoleonit dhe dëbimit të tij në ekzil? Me këtë pyetje merreshin kah mesi i vitit 1815 sunduesit e Evropës dhe të dërguarit e tyre në Vjenë.

Vendimet që u morën ndryshuan hartën e Evropës së shekullit të XIX në favor të fituesve. Në pjesën më të madhe u rivendos rendi i kohës para Napoleonit. Francës iu desh që të hiqte dorë nga territoret e aneksuara. Sunduesit e vjetër e rifituan pushtetin e tyre. Mirëpo, ajo çfarë mbeti nga pushtimi francez ishin idetë, të cilat francezët i sollën me vete në krahinat e pushtuara përmes ligjeve të tilla si “Kodi Civil i Napoleonit”.

Mirëpo para 200 vitesh ishte tepër herët që këto ide, atëherë radikale, si demokracia apo juridiksioni i unifikuar, si dhe ideja për ligje të barabarta për të gjithë qytetarët, të mund të nguliteshin nëpër mendjet e të gjithëve në çdo vend dhe në mënyrë të qëndrueshme.

Rilindja e ideve përparimtare

Fillimisht, vendimet e Kongresit të Vjenës i zhdukën sërish idetë dhe ligjet përparimtare. Përkrahësit e tyre ende nuk ishin mjaft të fortë për ta ndërruar rendin. Mirëpo, kur hedhim një vështrim në rrjedhën e historisë, kjo ishte vetëm çështje kohe. Sepse burimi i shkëndijës iniciuese për përhapjen e shumë parimeve juridike edhe sot e kësaj dite të vlefshme ndërkombëtarisht, siç janë demokracia, barazia para ligjit, apo liria individuale, të cilat mundësojnë bashkëjetesën në paqe, pjesërisht mund të gjendet në pushtimet dhe okupimet e Napoleonit.




Lajmet e Fundit

  1. “HARDH FEST - 2018”

        “Me pamje kah vneshtat” ishte motoja e festivalit tashmë tradicional “Hardh Fest” në Rahovec. Drejtor artistik i këtij festivali, z.Gardalin Shtavica, theksoi se edicioni i sivjetmë u mbajt nga 7 deri më 9 shtator. Gjatë këtij edicioni të “Hardh Fest” janë mbajtur aktivitete të shumta duke filluar me hapjen zyrtare të vjeljes së rrushit për të vazhduar me shpalljen e verëtarit më të mirë, ekspozitën “Hardh Expo” të organizuar nga Nahit Veseli, garat në vjeljen dhe shtrydhjen e rrushit për 3 ditë rresht. Ky edicion pati edhe disa risi si: “Hardh Kids” gjegjësisht aktivitetet për fëmijë, “Hardh Treni” ose udhëtimi me tren nga qyteti deri në Konak, “Hardh Bike” ose vizitat e vreshtave me biçikleta. Më pas u organizua edhe një paradë e mekanizmave bujqësore, nga më të vjetrat e deri te ato më të rejat, nga qendra e qytetit deri ne konak. Në ditën e tretë të festivalit u mbajt ora poetike te muzeu i qytetit dhe në konak u shpall mbretëresha e rrushit.

  2. KOLONIA ARTISTIKE E ARTISTEVE TE RINJ NE FERIZAJ

         Në Galerinë e Arteve në Ferizaj është hapur ekspozita e pikturave “Koloni e Artit”, si rezultat i punimeve të përfunduara në kuadër të "Javës së KFOR-it". Artistët e rinj nga të gjitha komunitetet në Kosovë, në korrik të këtij viti kanë pasur mundësinë që të shoqërohen dhe të komunikojnë përmes gjuhës universale, gjuhës së artit, dhe si rezultat i kësaj shoqërie ata ekspozuan punimet që i mbaruan përgjatë kësaj kolonie.

  3. DITA E BARAZISE SE FEMRAVE NE BONDSTEEL

    Të shtunen më 25.08.2018 në bazën amerikane Bondsteel u organizua Dita e Barazisë së Femrave. Me këtë rast përmes tregimeve personale të katër panelisteve u theksua rëndësia e barazisë gjinore.

  4. COURTOIS ‘NE GREVE’ NUK PARAQITET PER STERVITJE

    Kur kanë mbetur vetëm edhe dy ditë deri në mbylljen e afatit kalimtar në Ligën Angleze ekipi i Çelsit (Chelsea) është duke u përballur me një krizë të vogël. Kjo sepse, siç raportojnë mediat angleze, pa dhënë asnjë shpjegim dhe pa marrë leje portieri i tyre, Thibaut Courtois, nuk u paraqit për stërvitje.

  5. PER FAT TE KEQ, JO AJO POR ATA SHKUAN NE SHTEPI!

    Për herën e tretë me radhë Kroacia arriti që ta përmbys rezultatin dhe të dalë fituese në këtë botëror. Pas Danimarkës dhe Rusisë kësaj here radhën e pati kombëtarja e Anglisë e cila para se të fillonte ndeshja ishte favorite për shumicën e ekspertëve dhe tifozëve të futbollit.

Me Shume