Rrjetë i shpejtë për të gjithë

22.01.15 12:58


Në Kosovë po shënohen përparime: Operatori i telekomunikacionit Vala ka njoftuar për zgjerimin e rrjetit të tij mobil në standardin më të shpejtë 4G/LTE. Zgjerimi i rrjetit do të bëhet në tre hapa. Së pari, konsumatorëve do t’iu ofrohet ngritja në standardin 3G, me shpejtësi deri në 42 megabit për sekondë (Mbit/s). Pastaj, deri në fund të vitit, zonat urbane do të lidhen me rrjetin 4G/LTE. 

 

Kjo lidhje moderne dhe e fuqishme, deri në fund të gjysmës së parë të vitit 2015, do të shtrihet në 85 për qind të territorit të Kosovës. Me instalimin e rrjetit 4G/LTE, konsumatorët e rrjetit mobil në të ardhmen do të mund të lundrojnë në internet përmes celularëve me shpejtësi deri në 100 Mbit/s. Kjo paraqet një rritje 50-fish nga performanca aktuale që përdoret sipas standardit EDGE/GPRS.

Përgjegjës për zgjerimin e rrjetit do të jenë kompanitë Alcatel Lucent dhe Nokia Siemens Network Solutions. Për të realizuar standardin e ri të komunikimit Mobil sa më shpejt të jetë e mundur, të dy kompnaitë e njohura premtuan zgjerim të rrjetit në kohë rekord dhe pa vonesa. Pas njoftimit më të ri të Valës pritet që edhe operatorët tjerë mobil në Kosovë të zgjerojnë, në të ardhmen e afërt, rrjetet e tyre dhe të ofrojnë normat më të shpejta të transmetimit të të dhënave. Rrjedhimisht, populli i Kosovës së shpejti, edhe në pjesët më të largëta të vendit do të mund të thotë: T’i bashkohemi së ardhmes! Të përdorim internet me shpejtësi të lartë!

 




Lajmet e Fundit

  1. “HARDH FEST - 2018”

        “Me pamje kah vneshtat” ishte motoja e festivalit tashmë tradicional “Hardh Fest” në Rahovec. Drejtor artistik i këtij festivali, z.Gardalin Shtavica, theksoi se edicioni i sivjetmë u mbajt nga 7 deri më 9 shtator. Gjatë këtij edicioni të “Hardh Fest” janë mbajtur aktivitete të shumta duke filluar me hapjen zyrtare të vjeljes së rrushit për të vazhduar me shpalljen e verëtarit më të mirë, ekspozitën “Hardh Expo” të organizuar nga Nahit Veseli, garat në vjeljen dhe shtrydhjen e rrushit për 3 ditë rresht. Ky edicion pati edhe disa risi si: “Hardh Kids” gjegjësisht aktivitetet për fëmijë, “Hardh Treni” ose udhëtimi me tren nga qyteti deri në Konak, “Hardh Bike” ose vizitat e vreshtave me biçikleta. Më pas u organizua edhe një paradë e mekanizmave bujqësore, nga më të vjetrat e deri te ato më të rejat, nga qendra e qytetit deri ne konak. Në ditën e tretë të festivalit u mbajt ora poetike te muzeu i qytetit dhe në konak u shpall mbretëresha e rrushit.

  2. KOLONIA ARTISTIKE E ARTISTEVE TE RINJ NE FERIZAJ

         Në Galerinë e Arteve në Ferizaj është hapur ekspozita e pikturave “Koloni e Artit”, si rezultat i punimeve të përfunduara në kuadër të "Javës së KFOR-it". Artistët e rinj nga të gjitha komunitetet në Kosovë, në korrik të këtij viti kanë pasur mundësinë që të shoqërohen dhe të komunikojnë përmes gjuhës universale, gjuhës së artit, dhe si rezultat i kësaj shoqërie ata ekspozuan punimet që i mbaruan përgjatë kësaj kolonie.

  3. DITA E BARAZISE SE FEMRAVE NE BONDSTEEL

    Të shtunen më 25.08.2018 në bazën amerikane Bondsteel u organizua Dita e Barazisë së Femrave. Me këtë rast përmes tregimeve personale të katër panelisteve u theksua rëndësia e barazisë gjinore.

  4. COURTOIS ‘NE GREVE’ NUK PARAQITET PER STERVITJE

    Kur kanë mbetur vetëm edhe dy ditë deri në mbylljen e afatit kalimtar në Ligën Angleze ekipi i Çelsit (Chelsea) është duke u përballur me një krizë të vogël. Kjo sepse, siç raportojnë mediat angleze, pa dhënë asnjë shpjegim dhe pa marrë leje portieri i tyre, Thibaut Courtois, nuk u paraqit për stërvitje.

  5. PER FAT TE KEQ, JO AJO POR ATA SHKUAN NE SHTEPI!

    Për herën e tretë me radhë Kroacia arriti që ta përmbys rezultatin dhe të dalë fituese në këtë botëror. Pas Danimarkës dhe Rusisë kësaj here radhën e pati kombëtarja e Anglisë e cila para se të fillonte ndeshja ishte favorite për shumicën e ekspertëve dhe tifozëve të futbollit.

Me Shume