Rifet e rënda dhe telat delikatë

22.01.15 09:38


Që nga viti 1990, ata bëjnë muzikë. Dashamirët e tyre kënaqen me një shumëllojshmëri të këngëve. Tekstet e tyre ata i shkruajnë si në gjuhën shqipe, ashtu dhe në anglisht. Bëhet fjalë për grupin e Heavy metal të Kosovës "Troja". Është koha që ne të ju prezantojmë nga afër dhe të zgjojmë kërshërinë për muzikën e tyre, grupin e përbërë nga këngëtari Bujar Berisha, basisti Agron Ejupi, kitaristi Florent Bajrami dhe bateristi Violand Shabani.

 

Një përzierje e këndshme

Kush pret që në zhanrin heavy metal të dëgjojë tinguj monoton të shtrembëruar të kitarës dhe ulërima të errëta do të zhgënjehet në rastin e "Trojës". Tipike për tingujt e grupit është kryesisht kombinimi i rifeve të rënda të kitarës, tipike për metalikët, me tingujt e bukur të instrumenteve shqiptare. Por, shumanshmëria e grupit nuk demonstrohet vetëm në këtë mënyrë. Krahas, ulërimës që është pothuajse e detyrueshme në këtë zhanër dhe vokalit të thellë kryesisht kumbues – këngëtari Bujar Berisha na bind edhe me vokalin e tij të qartë e të pastër.

 

Bota si një njësi

Mirëpo, jo vetëm muzika e bendit është e pazakontë, pasi, po aq i pazakonshëm është edhe vet koncepti i grupit "Troja". Në një intervistë të kohëve të fundit në një radiostacion belg bateristi i grupit Violand Shabani, sqaroi: "Gjëja e veçantë në lidhje me grupin tonë, është që ne si “Troja” botën dhe banorët e saj nuk i ndajmë në vende apo grupe të ndryshme. Për ne ka vetëm një tokë dhe një popullësi." Krahas konceptit dhe pikëpamjes globale të grupit na befasojnë edhe arsyet mbresëlënëse pse këta katër muzikantë nga Prishtina, pavarësisht nga rrethanat shpesh të vështira në Kosovë në 20 vitet e fundit, kurrë nuk kanë menduar të tërhiqen. Këngëtari Bujar Berisha thotë: "Unë mendoj se ne jemi pjesë e Evropës dhe ne ndjehemi si pjesë e Evropës. Që ne si "Troja" të mund të marrim pjesë në festivale kudo në Europë, ishte dhe është jo vetëm dëshira jonë, por edhe dëshira e shumë artistëve tjerë kosovar. Arsyeja jonë të jemi atje është që të argëtohemi dhe idenë e Evropës ta ndjejmë me të vërtetë."

 

Albumi i tretë po vjen

Pas publikimit të dy albumeve - People (2003) dhe Amaneti i "Clown"-it (2009) - muzikantët po punojnë aktualisht në një album të tretë. Për të gjithë që gjatë leximit kanë dëshirë të dëgjojnë grupin dhe muzikën e tyre, ia vlen që jo vetëm të prisni për daljen në shitje të albumit, por edhe të vizitoni paraqitjet e "Trojës" - në Facebook apo YouTube. Pa marrë parasysh nëse dikush e pëlqen muzikën e "Trojës" apo jo, ajo nuk do ta lërë askënd indiferent. 

 




Lajmet e Fundit

  1. “HARDH FEST - 2018”

        “Me pamje kah vneshtat” ishte motoja e festivalit tashmë tradicional “Hardh Fest” në Rahovec. Drejtor artistik i këtij festivali, z.Gardalin Shtavica, theksoi se edicioni i sivjetmë u mbajt nga 7 deri më 9 shtator. Gjatë këtij edicioni të “Hardh Fest” janë mbajtur aktivitete të shumta duke filluar me hapjen zyrtare të vjeljes së rrushit për të vazhduar me shpalljen e verëtarit më të mirë, ekspozitën “Hardh Expo” të organizuar nga Nahit Veseli, garat në vjeljen dhe shtrydhjen e rrushit për 3 ditë rresht. Ky edicion pati edhe disa risi si: “Hardh Kids” gjegjësisht aktivitetet për fëmijë, “Hardh Treni” ose udhëtimi me tren nga qyteti deri në Konak, “Hardh Bike” ose vizitat e vreshtave me biçikleta. Më pas u organizua edhe një paradë e mekanizmave bujqësore, nga më të vjetrat e deri te ato më të rejat, nga qendra e qytetit deri ne konak. Në ditën e tretë të festivalit u mbajt ora poetike te muzeu i qytetit dhe në konak u shpall mbretëresha e rrushit.

  2. KOLONIA ARTISTIKE E ARTISTEVE TE RINJ NE FERIZAJ

         Në Galerinë e Arteve në Ferizaj është hapur ekspozita e pikturave “Koloni e Artit”, si rezultat i punimeve të përfunduara në kuadër të "Javës së KFOR-it". Artistët e rinj nga të gjitha komunitetet në Kosovë, në korrik të këtij viti kanë pasur mundësinë që të shoqërohen dhe të komunikojnë përmes gjuhës universale, gjuhës së artit, dhe si rezultat i kësaj shoqërie ata ekspozuan punimet që i mbaruan përgjatë kësaj kolonie.

  3. DITA E BARAZISE SE FEMRAVE NE BONDSTEEL

    Të shtunen më 25.08.2018 në bazën amerikane Bondsteel u organizua Dita e Barazisë së Femrave. Me këtë rast përmes tregimeve personale të katër panelisteve u theksua rëndësia e barazisë gjinore.

  4. COURTOIS ‘NE GREVE’ NUK PARAQITET PER STERVITJE

    Kur kanë mbetur vetëm edhe dy ditë deri në mbylljen e afatit kalimtar në Ligën Angleze ekipi i Çelsit (Chelsea) është duke u përballur me një krizë të vogël. Kjo sepse, siç raportojnë mediat angleze, pa dhënë asnjë shpjegim dhe pa marrë leje portieri i tyre, Thibaut Courtois, nuk u paraqit për stërvitje.

  5. PER FAT TE KEQ, JO AJO POR ATA SHKUAN NE SHTEPI!

    Për herën e tretë me radhë Kroacia arriti që ta përmbys rezultatin dhe të dalë fituese në këtë botëror. Pas Danimarkës dhe Rusisë kësaj here radhën e pati kombëtarja e Anglisë e cila para se të fillonte ndeshja ishte favorite për shumicën e ekspertëve dhe tifozëve të futbollit.

Me Shume