Band Aid 30 – Rikthimi i një legjende

14.01.15 14:08


Ai po e bën përsëri: Në nëntor Sir Bob Geldof – themeluesi i projektit të famshëm „Band-Aid“ njoftoi për ringjalljen e suksesit të dikurshëm. Shpërthimi i virusit Ebola në Afrikën Perëndimore e inspiroi artistin irlandez që edhe një herë tjetër t‘i sjellë yjet ndërkombëtarë në studion e tij muzikore dhe së bashku me ta të ndihmojë përmes muzikës. Singëlli i prodhuar i Band Aid 30 pritet të publikohet qysh në fund të vitit.

Projekti humanitar origjinal ishte një sukses mbarëbotëror qysh në vitin 1984. Ai tërhoqi vëmendje dhe rriti gatishmërinë për të dhënë donacione për Etiopinë, shtetin afrikan të pllakosur nga thatësira dhe uria.  Kënga e famshme e projektit të parë të Band Aid „Do They Know It’s Christmas?“ (A e dijnë ata, se janë Krishtlindjet?) arriti kulmin e top-listave në 13 shtete dhe edhe sot e kësaj dite është një këngë shumë e dëgjuar gjatë kohës së Krishtlindjeve. Grupit të këngëtarëve të atëhershëm u takonin shumë yje të famshme siç janë Phil Collins, Paul Young, Bono, George Michael, Sting, David Bowie dhe Paul McCartney.

Edhe këtë vit, sërish do të jenë të pranishëm këngëtarët më të mirë dhe më të famshëm. Larmia e tyre do t’i bashkojë zërat nga muzika rock, pop, rhythm and blues si dhe soul. Është bërë e ditur pjesëmarrja e Ed Sheeran dhe Emeli Sandé, gjithashtu edhe e atyre si Adele, Bastille, Ellie Goulding, Jessie Ware, Paloma Faith, Sam Smith dhe Olly Murs. Flitet që edhe Bono, këngëtari i bendit U2, sërish është në listën e këngëtarëve mbështetës.

Në projektin e vitit 1984 u mblodhën gjithsej mbi 10 milionë Euro donacione. Më vonë u themeluan projekte të shumta pasuese, në mesin e tyre Band Aid II (1989), Band Aid 20 (2004) dhe koncertet Live Aid, të cilët ishin rock-koncertet më të mëdha të botës asokohe. Kështu pritet që edhe Band Aid 30 të jetë një sukses i madh dhe sërish t’i dhurojë botës një këngë madhështore, e cila do t’u ndihmojë njerëzve nevojtarë.

 

 

Shënime për fotografitë:

20141118_Band Aid 30_Foto 01

Në koncertin Live Aid në Filadelfia në vitin 1985 morën pjesë mijëra fansa të entuziazmuar.

 

Kushtet e liçencimit: sipas Creative Commons, http://creativecommons.org/licenses/by-sa/3.0/deed.en

 




Lajmet e Fundit

  1. “HARDH FEST - 2018”

        “Me pamje kah vneshtat” ishte motoja e festivalit tashmë tradicional “Hardh Fest” në Rahovec. Drejtor artistik i këtij festivali, z.Gardalin Shtavica, theksoi se edicioni i sivjetmë u mbajt nga 7 deri më 9 shtator. Gjatë këtij edicioni të “Hardh Fest” janë mbajtur aktivitete të shumta duke filluar me hapjen zyrtare të vjeljes së rrushit për të vazhduar me shpalljen e verëtarit më të mirë, ekspozitën “Hardh Expo” të organizuar nga Nahit Veseli, garat në vjeljen dhe shtrydhjen e rrushit për 3 ditë rresht. Ky edicion pati edhe disa risi si: “Hardh Kids” gjegjësisht aktivitetet për fëmijë, “Hardh Treni” ose udhëtimi me tren nga qyteti deri në Konak, “Hardh Bike” ose vizitat e vreshtave me biçikleta. Më pas u organizua edhe një paradë e mekanizmave bujqësore, nga më të vjetrat e deri te ato më të rejat, nga qendra e qytetit deri ne konak. Në ditën e tretë të festivalit u mbajt ora poetike te muzeu i qytetit dhe në konak u shpall mbretëresha e rrushit.

  2. KOLONIA ARTISTIKE E ARTISTEVE TE RINJ NE FERIZAJ

         Në Galerinë e Arteve në Ferizaj është hapur ekspozita e pikturave “Koloni e Artit”, si rezultat i punimeve të përfunduara në kuadër të "Javës së KFOR-it". Artistët e rinj nga të gjitha komunitetet në Kosovë, në korrik të këtij viti kanë pasur mundësinë që të shoqërohen dhe të komunikojnë përmes gjuhës universale, gjuhës së artit, dhe si rezultat i kësaj shoqërie ata ekspozuan punimet që i mbaruan përgjatë kësaj kolonie.

  3. DITA E BARAZISE SE FEMRAVE NE BONDSTEEL

    Të shtunen më 25.08.2018 në bazën amerikane Bondsteel u organizua Dita e Barazisë së Femrave. Me këtë rast përmes tregimeve personale të katër panelisteve u theksua rëndësia e barazisë gjinore.

  4. COURTOIS ‘NE GREVE’ NUK PARAQITET PER STERVITJE

    Kur kanë mbetur vetëm edhe dy ditë deri në mbylljen e afatit kalimtar në Ligën Angleze ekipi i Çelsit (Chelsea) është duke u përballur me një krizë të vogël. Kjo sepse, siç raportojnë mediat angleze, pa dhënë asnjë shpjegim dhe pa marrë leje portieri i tyre, Thibaut Courtois, nuk u paraqit për stërvitje.

  5. PER FAT TE KEQ, JO AJO POR ATA SHKUAN NE SHTEPI!

    Për herën e tretë me radhë Kroacia arriti që ta përmbys rezultatin dhe të dalë fituese në këtë botëror. Pas Danimarkës dhe Rusisë kësaj here radhën e pati kombëtarja e Anglisë e cila para se të fillonte ndeshja ishte favorite për shumicën e ekspertëve dhe tifozëve të futbollit.

Me Shume